Skiweekend März 2026 i dä Flumsi

Am Fritig 13.3. simmer wieder mitere grosse Gruppe vo 18 Lüt id Flumsi.

Nachem Acho hämmer Zimmer bezoge und dänn in Apéro und go Fondue ässe. Nacher simmer nu gmüetlich zämeghöcklet, g‘spröchlet, g’jassed und luschtig gha.

Am Samstig isch s’Wätter nöd so toll gsi, trotzdem sind es paar uf d’Schii und dä Rest go laufe. Troffe hämmer eus idä Molseralp zum z’Mittag. Am Abig simmer wieder id Pizzeria, wo Michèle Ihres Telefon zwüschedem Bank verlore hät und dä Chef mit Werchzüg cho isch…. Aschlüssend simmer id Slalombar go tanze. Die einte sind dänn nu is Pub, wo Michèle Ihres Telefon schowieder verlore hät, drum dä ganz Wäg im Tüfschnee wieder zrugg hät müesse…..

Am Sunntig hämmer’s dänn gmüetlich gno, nachem z’Morge zämegruumet und go spazierä und es Plätzli für’s Ruhebänkli für eusi Barbara gsuecht. Idä Sännestubä hämmer dänn zäme z’Mittag gässe, wo eus aschlüssend dä Toni vodä Palita GmbH isch cho abhole.

Danke allne für das luschtige Weekend, ich freu mi scho uf’s nächst Jahr ;)