Bergfasnacht 2014
Dä neui Höhepunkt vo Euisere Fasnacht ghört au scho wieder dä Vergangeheit a. Es isch än super tolle Alass mit vielne fantastische Darbütige, u.a. vo dä Frau Mötzli und äm Herr Bünzli, wo mit ihrem Klatsch und Tratsch über Gott und d'Wält charmant dur dä Abig gfürt händ. Traditionell isch dä Abig vo dä Bergtrychler i gschället worde. D'Biberchrouser, d'Roosschränzer und Mülitobelchroser händ gschränzt was s'Züg haltet und s'Publikum so vo Bänk und Stühl grisse. Wo d'Tamboure ihres Repertoire zum Beschte gäh händ, isch d'Faszination vo dä Gäscht so gross gsi, dass am einte oder andere vor luter Stune dä Kiefer abe gheit isch. Die Schnelligkeit, Koordination, eifach dä Hammer! S'Kafi Chreisel, d'Wüelmüüs und dä Bergföhn händ mit ihrne humorvollne sälber dichtete Schnitzelbankvers d'Lüt zum Lache bracht. Nach äm offizielle Programm isch bis i die frühne Morgestunde wieter gfästet worde.
